Сайхан-Овоо сумын 4-р багийн иргэн Шовгын Өлзий-Орших саяхан Монгол улсын гар бөмбөгийн спортын дэд мастерын болзол хангаж үнэмлэх тэмдгээ сумын ИТХ-ын дарга П.Эрдэнэбаатар, засаг дарга Б.Түвшинбаатар нараас гардан авлаа. Түүний төрсөн ах Ш.Өлзий-Очир гар бөмбөгийн спортын мастер юм. Тэдний хүүхдүүд бүгд улсын гар бөмбөгийн зэрэгтэй тамирчид байгаа. Эднийх удмаараа дуучид тамирчид байдаг юм. Ээж Г.Адьяа нь уртын дуучин Монгол Улсын соёлын тэргүүний ажилтан. Одоо хүүхэд залуучуудад уртын дуу зааж байна.