Монгол Улсын анхны Үндсэн хууль батлагдаж БНМАУ-ыг тунхагласны 93 жилийн өдрийг тохиолдуулан сумын төрийн албан хаагчдын өдөрлөгийг сумын ЗДТГ-аас зохион байгуулав. Өдөрлөгийн үйл ажиллагааг нээж сумын ЗДТГ-ын дарга С.Болоржаргал үг хэллээ. ИТХ-ын дарга П.Эрдэнэбаатар, сумын Засаг даргын орлогч Т.Гэрэл нар өдөрлөгийн үйл ажиллагаанд амжилт хүсэж баяр хүргэлээ. ЗДТГ-ын дарга С.Болоржаргал Монгол Улсын Ерөнхий сайдын "Ажлын сахилга хариуцлагыг дээшлүүлэх тухай" 01 тоот албан даалгаврыг хэрэгжүүлэх аймгийн төлөвлөгөө, хувийн ашиг сонирхлыг зохицуулах, урьдчилан сэргийлэх, ХАСУМ, ХАСХОМ-ийг хэрхэн гаргах, мэдэгдэл тайлбарын талаар, ЭМТ-ийн дарга С.Мядагмаа "Харилцааны урлаг" сэдвээр, ХААН-ны эрхлэгч Р.Сүрэндаваа, насан туршийн боловсролын багш М.Эрхэмбаатар нар "Мөнгөн хурамтлал, зээлийн харилцааны сэдвээр тус тус сургалт явуулсан. ЗДТГ-ын хамт олон байгууллагын концерт тоглож ард иргэд сонирхуулсан нь олны ташаал хүртлээ. үүний дараагаар соёлын төвөөс үдшийн цэнгүүн зохиосноор өдөрлөгийн үйл ажиллагаа өндөрлөв.
